"Anti Work" er ný fatalína af einstökum handgerðum og -prentuðum frönskum vinnufötum frá skapandi vinnustofunni And Anti Matter.
Hver flík er með áprentuðum teikningum eftir hjónin Baldur&Þórey sem er nokkursskonar samtal þeirra á milli, hver teikning fyrir sig er prentuð og staðsett sérstaklega sem gerir hverja flík sem gerir hana einstaka. Línan kemur í takmörkuðu upplagi í svo kölluðum droppum yfir árið.
AND ANTIMATTER / OG ANDEFNI (&AM) er skapandi vinnustofa stofnuð í október 2016. Þar vinna þau Þórey Björk Halldórsdóttir (hönnuður) og Baldur Björnsson (mynd- og raftónlistarmaður) verk, hluti og upplifanir á mörkum hönnunar og myndlistar þar sem þau tvinna saman hæfileika hvors annars í nýjar nálganir.
Verkin, sem oftast eru búin til í tengslum við sýningar, vinna þau oftast í takmörkuðu upplagi og flokkast vörur þeirra sem “collectable design” sem ekki sést mikið af hérlendis. Verkin eru unnin í ýmsa miðla - tvívíð verk í textíl og á pappír, þrívíð verk, hljóðverk og innsetningar.
&AM eru sannfærð um að staðir og fólk þurfi á fagurfræðilegu notagildi og nytsamlegum undarlegheitum á að halda í tilveru sína.
